د. شێركۆ عه‌بدوڵا تایبه‌ت به‌ (دره‌و)

* هەورەکان لە بەرخاتری چەترە دڕاوەکان حەبی مەنع ئەخۆن. 
* دارستانێک خۆی سوتاند، دەڵێن ویستویانە بیدەن بە بیابانێک. 
* سەندیکای شۆفێران: هەر پۆلیسێکی هاتوچۆ مەشغوڵی مۆبایلەکەی بێت ئیجازەو سەنەوییەکەی حیجز دەکەین. 
* بەتۆمەتی دزینی هەڵاڵە، باخچەیەکی دیکتاتۆر هەنگێکی زیندانی کرد.

*خۆڵبارین فڵچەی ئۆتۆمبیلەکانی ناچار بە تەیەموم کرد. 
* وەزارەتی ئەوقاف: بەهیچ شێوەیەک مەعاشی ئەمساڵی ڕۆناڵدۆ لە پارەی عەمرەکارانی هەرێم دابین نەکراوە.  
* ئاوەڵزاواکەی یاسای نەوت و غاز ناوی یاسای دارستانە. 
* لای ماسیی هەرزەکار قولاپ جوانترە لە چوپی ڕزگاربوون.  
* کاڵەک هەر کاتێک بیکڕیت بێ تامە، هەواڵی قیتارەکە هەر کاتێک بڵاوبکرێتەوە کۆنکرێتییە.  
* ئێستای وەزعی کوردستان ئەو شیعرەی نالیی قابیلە کە ئەڵێ خودا طەی بێ خودا طەی بێ خودا طەی.